![BaN4na: [投擲物改動]道具嘅運用變得更靈活， 會令攻防雙方更加困難去閱讀比賽。](/_next/image/?url=https%3A%2F%2Fcms.csgo.hk%2Fwp-content%2Fuploads%2F2021%2F09%2FDynasty.png&w=3840&q=75)
隨著EZK Prime League Season 2即將開始，TomorrowLAN團隊今次找來了香港台灣混合隊伍Dynasty的BaN4na接受訪問談及最近更新內容對於比賽的改變以及隊伍近況。
TomorrowLAN: 首先感謝你們接受TomorrowLAN訪問
TomorrowLAN: 這次是Dynasty首次接受TomorrowLAN訪問，你們可以簡單介紹一下隊伍以及成員所擔任的角色嗎?
BaN4na: Hi 我地係dynasty，我地隊伍係由一般平時係discord玩開嘅朋友組成嘅隊伍。 我係BaN4na係隊伍入面係擔任一個指揮嘅位置，雖然我對呢個位置比較陌生，但係因爲比賽嘅時候都會比較高ping同埋經驗會比其他隊員豐富所以就會嘗試呢個位置。 Chupudding就係我地來自台灣嘅狙擊手。 而其他隊員都係我地嘅步槍手。其實我覺得隊伍入面嘅大家都有足夠嘅個人實力，但係我地係配合呢一方面仲有好多改善空間。
TomorrowLAN: 想問問有關你們在EZK S2 Pre-Season 八強不敵LoyaltyGang後，之後在六強賽擊敗TGC，隊伍有沒有打出你們預期的成績呢?
BaN4na: 其實今次預選賽我地對自己嘅成績係唔滿意嘅，我地大家都冇打出自己應該打到嘅水準。希望之後我地可以花多啲時間去練習，係常規賽拿到好成績。
TomorrowLAN: 我們查看了Dynasty於S2 聯賽的陣容名單，你們隊伍有著前Only One Word成員BaN4na及經理mafuyuuu於隊中，你們這支隊伍目前與Only One Word有著什麼的關係呢?
BaN4na: 咁我同mafuyu之前都係oow嘅成員，oow同我地隊都係一班平時玩開嘅朋友。今次比賽成立dynasty嘅目的係比個挑戰自己，同埋比一班經驗比較少嘅朋友去吸收更多嘅實戰經驗，變得更強。
TomorrowLAN: BaN4na亦平時均有出戰澳洲方面的賽事，你認為澳洲隊伍對比港台澳隊伍打法上有什麼不同?
BaN4na: 我認爲澳洲對比起台港澳嘅隊伍打法上幾唔同。澳洲嘅隊伍可能有啲player個人實力冇香港嘅player咁強，但係打法偏向有更多嘅配合，每個隊 員都有好仔細嘅分工，係非常教科書式嘅CS。而台港澳以我目前嘅經驗就係覺得每個player個人實力都好強，但係配合方面可能冇澳洲嘅隊伍做得咁好，比較偏向pug style，打法會更自由更加多變但係我覺得呢種打法嘅上限好低。所以我地嘅隊伍都會想嘗試脫離呢種打法。
我認爲澳洲對比起台港澳嘅隊伍打法上幾唔同。澳洲嘅隊伍可能有啲player個人實力冇香港嘅player咁強，但係打法偏向有更多嘅配合，每個隊 員都有好仔細嘅分工，係非常教科書式嘅CS。
而台港澳以我目前嘅經驗就係覺得每個player個人實力都好強，但係配合方面可能冇澳洲嘅隊伍做得咁好，比較偏向pug style，打法會更自由更加多變但係我覺得呢種打法嘅上限好低。所以我地嘅隊伍都會想嘗試脫離呢種打法。
BaN4na
TomorrowLAN: 我們留意到，Dust II這張地圖於Dynasty的比賽中經常出現，隨著今次Dust II中門改動後，你們的戰術會有什麼影響或改變?
BaN4na: Dust 2今次中門嘅改動對我地隊伍嘅影響暫時都係未知，因爲都仲未試過5個人一齊去打呢張map應該仲需要一啲時間去適應。
TomorrowLAN: 今次Valve亦改動可以drop 投擲物，你們認為這個改動會改變比賽上生態嗎?
BaN4na:我認爲今次可以drop道具呢個改動會對比賽生態做成好大嘅改變。道具嘅運用變得更靈活，會令進攻同埋防守更加難去閱讀，會令閱讀比賽變得更加困難。
我認爲今次可以drop道具呢個改動會對比賽生態做成好大嘅改變。道具嘅運用變得更靈活，會令進攻同埋防守更加難去閱讀，會令閱讀比賽變得更加困難。
BaN4na
TomorrowLAN: 你們隊伍是少數港台成員混合組成的隊伍，想問下你們在比賽途中是以什麼語言進行交流，隊伍會有時候在execute或殘局時會出現言語障礙嗎?
BaN4na: 其實打比賽個陣就唔會有太大嘅語言障礙問題，因爲我地嘅隊員chupudding平時有睇好多香港嘅劇集同埋電影所以佢都可以明白同埋講到一定程度嘅廣東話。我地平時都係用廣東話夾雜住少少普通話溝通，係遊戲入面都係其實都冇咩溝通問題！
TomorrowLAN: BaN4na你目前身處於澳洲因為時區上的差異，有時你在澳洲出戰其他比賽之後又要起香港時間晚上8點至10點期間作賽，基本上比賽開始既時候已經係澳洲既深夜時分，依種跨時區的比賽方式會唔會對你既身體或狀態上有什麼影響?
BaN4na: 其實呢種跨時區嘅比賽方式係會對身體同埋狀態上都有一定嘅影響。因爲開始比賽嘅時間始終都係深夜時段，經過澳洲一日嘅訓練身體同埋精神都會比較疲憊，所以其實都會有影響。
其實呢種跨時區嘅比賽方式係會對身體同埋狀態上都有一定嘅影響。因爲開始比賽嘅時間始終都係深夜時段，經過澳洲一日嘅訓練身體同埋精神都會比較疲憊，所以其實都會有影響。
BaN4na
TomorrowLAN: 隨著聯賽抽籤出爐，你們如何評價B組同組隊伍以及覺得哪支隊伍最難纏?
BaN4na:我地就覺得B組入面嘅隊伍都係一啲比較強嘅隊伍係一個好好嘅比賽環境。而最難纏嘅隊伍我就覺得係black social club，因爲裡面有一個選手Edward打法好似device， 使用狙擊槍快狠準，相信佢會比到好多壓力我地。但係最可惜嘅係未能與oow一組，係常規賽冇機會感受到大勝佢地嘅滋味。
TomorrowLAN: 你們對於今次賽事有著什麼目標?或預期可以走到多遠?
BaN4na:我地今次嘅目標係冠軍，希望A組嘅OOW可以過五關斬六將係決賽同我地交手。
TomorrowLAN: BaN4na還有話想說嗎?
BaN4na: 我覺得BO3形式嘅比賽可以取消map1 同埋map2嘅刀戰選邊，由選圖嘅另外一隊優先選邊，因爲呢種方法增加遊戲公平性。
TomorrowLAN: 感謝你們接受TomorrowLAN的訪問~~
BaN4na: 多謝你地！
如想了解更多對CS:GO 的資訊，請密切留意並跟隨我們的社交網站Twitter、Instagram、Facebook及訂閱我們的官方網站推送通知 CSGO.HK以便取得事件最新動態及其他CS:GO最新消息。
