隨著最近EZK Prime League Season 2聯賽隊伍陣容名單提交日截止後，TomorrowLAN團隊找來了回歸Only One Word的matcha接受訪問。
TomorrowLAN: 首先多謝matcha接受TomorrowLAN的訪問~~
TomorrowLAN: 想問下matcha，你可唔可以分享下今次會重返Only One Word (100Ping)既故事呢?
matcha: 重返OOW最主要係佢地搵唔到合適人選，所以最後jeffvanb搵返我。
TomorrowLAN: 咁之前Darkkis起CSGO香港大師賽中的訪問提到你和Joey AWP打法上的分別啦，而當時Darkkis話你既打法係防守式既AWPer style，你認唔認同依個講法呢?
matcha: 都認同Darkkis既講法，T side因為戰術同節奏問題，所以我比較少玩awp通常防守先用，可能joey之前習慣個打法可以Tside awp，以前100p果陣隊伍入面Darkkis同Terry都可以awp，就取決於邊個有手感就邊個用，個陣時冇話邊個係main awper。
TomorrowLAN: 你今次重返Only One Word，目前與隊伍的磨合程度如何?
matcha: 目前大家都好忙，暫時仲未有機會磨合到，Terry平時有澳洲果邊既league要打。
TomorrowLAN: 上次五月份的時間，我們曾與你談過你當時因為個人時間過於忙碌而選擇離開100Ping，而今次返回隊伍會不會令到Only One Word報名參加亞洲賽事的頻率減少呢?
matcha: 絕對有影響，如果d賽事排到平時weekday晏就就冇咩機會可以打到，遲d有wfh可能會好返少少。
TomorrowLAN: 如果你個人時間上比較忙碌的話，那Only One Word會不會在往後的比賽中選擇輪換陣容或讓後備名單的CroSSX有多D上場機會?
matcha: 應該會輪換陣容，以我所知隊伍入面有其他隊友工作都好忙，未必抽到時間參加。
TomorrowLAN: 而今屆EZK Season 2聯賽隊伍增加了台灣隊伍參賽，你們過往有與台灣隊伍交手嗎，或對台灣隊伍有什麼印象?
matcha: 過往冇機會可以同到台灣隊交手所以都好期待，有時打5E優先匹配撞到佢地，佢地全部都實力好強。
TomorrowLAN: 你再次返回隊伍，有沒有抱著什麼期望?
matcha: 期望就係可以再次幫到OOW贏EZK冠軍，其他隊伍都進步左好多，挑戰性更高。
TomorrowLAN: 隨著聯賽抽籤出爐，你如何評價A組同組隊伍以及覺得哪支隊伍最難纏?
matcha: 抽籤出左爐，A組我個人認為EMC係最難應付，始終佢地係一隊好有經驗既隊伍。
TomorrowLAN: 感謝matcha接受TomorrowLAN的訪問~
如想了解更多對CS:GO 的資訊，請密切留意並跟隨我們的社交網站Twitter、Instagram、Facebook及訂閱我們的官方網站推送通知 CSGO.HK以便取得事件最新動態及其他CS:GO最新消息。
