u3mO: [CSGO香港大師賽2021 殺入四強] 隊內壓力都會大左，始終對比以前無得好似underdogs咁去打比賽。

隨著EZK Prime League Season 2即將開始，TomorrowLAN團隊今次找來了香港隊伍Chrysanthemum接受訪問談及最近他們參加CSGO香港大師賽2021的表現以及隊伍近況。

首先感謝Chrysanthemum接受TomorrowLAN訪問

TomorrowLAN: 這次是Chrysanthemum自從Starlite改組後，首次接受TomorrowLAN訪問，你們可以簡單介紹一下隊伍以及成員所擔任的角色嗎?

u3mO: 首先多謝你地訪問，隊伍中我會係IGL的位置，其餘成員上定位除左GOD K會係AWPER之外，都無話好特別嘅定位。

TomorrowLAN: 你們今次於Season 2就採用了新陣容應戰，而剛剛新陣容就在8月出戰了CSGO香港大師賽2021(雖然無purez)，但見到你地都經常揀Mirage依張地圖，除左對上Yimagen個場輸左Mirage之外，你們認為自己與Yimagen Mirage上打法差別在於那裡?

u3mO: Mirage其實都唔算係一張我地強的地圖，大致都係因為其他地圖未有時間準備，Mirage比起其他地圖經驗多d，對比Yimagen我地個人能力上冇對方咁好，好多時打比賽都係打好d補槍，打得集中d。

TomorrowLAN: SMC就起CSGO香港大師賽2021為Randomness Stand-in，之後佢協助你地於比賽中取得四強，而我們今次EZK S2名單上就見到SMC已經起你們隊伍之內，可唔可以與我們分享一下SMC加入的故事?

SoLo: 之前試過係其他隊同 SMC 打過，覺得佢係一位好有潛力既選手——無論係槍法、道具運用、意識方面都有一定既水準。加上佢適應力強，覺得邀請佢入隊可以好快融合到我地既打法。現階段因為佢學業繁重，所以放左佢係後備以便不時之需。

之前試過係其他隊同 SMC 打過，覺得佢係一位好有潛力既選手——無論係槍法、道具運用、意識方面都有一定既水準。加上佢適應力強，覺得邀請佢入隊可以好快融合到我地既打法。現階段因為佢學業繁重，所以放左佢係後備以便不時之需。

SoLo

TomorrowLAN: 相信大家都對purez相對有興趣，我地翻查左Chrysanthemum及Yimagen隊伍名單，現在purez只跟隨Chrysanthemum出戰EZK聯賽，而亞洲賽事及其他香港比賽(例如Hax Kase Cup Masters Season 3) purez就繼續與Yimagen作戰，而Chrysanthemum甚至沒有報名Hax Kase，可唔可以講下purez依家起隊伍既角色係點?

u3mO: 因為我地除了ezk，都無空閒時間報其他比賽, 所以purez都會跟yimagen去打其他比賽, 當拎多d經驗。至於隊伍嘅入面，purez係一個自由人，基本上戰術都係圍繞住佢發揮。

因為我地除了ezk，都無空閒時間報其他比賽, 所以purez都會跟yimagen去打其他比賽, 當拎多d經驗。至於隊伍嘅入面，purez係一個自由人，基本上戰術都係圍繞住佢發揮。

u3mO

monkii (左二): 其他比賽黎講都可能會等有時間練習先會報名，始終參加得就唔想無成績
Photo owned by TomorrowLAN

TomorrowLAN: 咁如果purez在未來其他賽事都跟隨Yimagen的話，那Chrysanthemum會不會與SMC或有其他人選一起報名其他賽事?

u3mO: 其實隊伍入面都好少有時間一齊打到機，隊友都好多個人事務要處理，例如smc要專心學業。我都由學生畢業要日日番工，所以其他比賽黎講都可能會等有時間練習先會報名，始終參加得就唔想無成績。

TomorrowLAN: 隨著你們於8月CSGO香港大師賽2021殺入四強，當時差點將Yimagen淘汰出局，現在purez亦會在EZK返回隊伍以full team出戰接下來的聯賽，你們於過去比賽中打出如此驚喜的表現，這樣會是令到隊伍打下一枝強心針或是令到隊內有更多壓力呢?

u3mO: 對比殺入4強，purez返回隊伍先絕對係會為隊伍打一枝強心針，始終隊伍都好依賴purez呢位重點人物， CSGO香港大師賽殺入4強對我地黎講，係一個好好嘅經驗，雖然都有運氣成份先入到4強，但隊內壓力都會大左，始終對比以前無得好似underdogs咁去打比賽。

雖然都有運氣成份先入到4強，但隊內壓力都會大左，始終對比以前無得好似underdogs咁去打比賽。

u3mO

TomorrowLAN: u3mo你於Sesaon 1離開了以Outlaws骨幹組成的Split 3000，轉投當時牌面較低的Starlite，可以分享一下你為什麼決定選擇Chrysanthemum (Starlite)並不留在Split 3000?

u3mO: 當時主要係因為以為舊隊友唔會再打season 2，而Chrysanthemum又搵我過去打，同時Chrysanthemum都有好幾個朋友係入面，點知到最後Goal roosters又決定繼續打，就出現左呢次轉會。當然牌面上Goal roosters絕對比我地強很多，希望交手時候唔會比舊隊友大炒就可以。